ఏపీ ఇంటర్ పరీక్షల ఫీజు గడువు పెంపు: నవంబర్ 10 వరకు అవకాశం

ఏపీ ఇంటర్మీడియట్ పబ్లిక్ పరీక్షల ఫీజు చెల్లింపు గడువును నవంబర్ 10 వరకు పొడిగిస్తున్నట్లు విద్యా మండలి కార్యదర్శి రంజిత్ బాషా ప్రకటించారు. విద్యార్థులు ఎలాంటి ఆలస్య రుసుము లేకుండా ఈ తేదీలోపు ఫీజు చెల్లించవచ్చు. ఒకవేళ రూ.1,000 అపరాధ రుసుముతో అయితే నవంబర్ 17 వరకు అవకాశం కల్పించారు. పరీక్షలకు సిద్ధమవుతున్న విద్యార్థులు ఈ గడువును సద్వినియోగం చేసుకోవాలని అధికారులు సూచించారు.