నాగర్ కర్నూల్ జిల్లాలో 200 ఏళ్ల పురాతన నంది విగ్రహం చోరీ

నాగర్ కర్నూల్ జిల్లా కొల్లాపూర్ మండలం కుడికిల్ల గ్రామంలోని శివాలయంలో 200 ఏళ్ల నాటి నంది విగ్రహం చోరీకి గురైంది. గుప్తనిధుల కోసం దుండగులు ఈ విగ్రహాన్ని ఎత్తుకెళ్లి ఉంటారని గ్రామస్తులు అనుమానిస్తున్నారు. ఆలయంలో సీసీ కెమెరాలు ఉన్నప్పటికీ నిందితులు ఈ దొంగతనానికి పాల్పడటం స్థానికంగా కలకలం రేపింది. పోలీసులు కేసు నమోదు చేసి దర్యాప్తు చేస్తున్నారు.