తెలంగాణలో కరువు పరిస్థితులపై అఖిలపక్ష సమావేశం

తెలంగాణలో ఎల్‌నినో ప్రభావంతో తలెత్తిన కరువు, నీటి కొరతను ఎదుర్కొనేందుకు కేంద్ర సాయం కోరాలని అఖిలపక్ష సమావేశం నిర్ణయించింది. డిప్యూటీ సీఎం భట్టి విక్రమార్క అధ్యక్షతన జరిగిన ఈ భేటీలో వివిధ రాజకీయ పార్టీల నేతలు పాల్గొన్నారు. రైతులకు ఎకరాకు రూ.15 వేల పరిహారం అందించాలని ప్రతిపక్షాలు డిమాండ్ చేశాయి. రాష్ట్రంలో నెలకొన్న నీటి ఎద్దడిని అధిగమించేందుకు ప్రభుత్వం తగిన చర్యలు చేపట్టాలని నేతలు సూచించారు.