హైదరాబాద్‌లో నకిలీ ఆధార్, పాన్ కార్డుల ముఠా గుట్టురట్టు

హైదరాబాద్‌లో జిరాక్స్ సెంటర్ ముసుగులో నకిలీ ఆధార్, పాన్ కార్డులను తయారు చేస్తున్న వ్యక్తిని పోలీసులు అరెస్ట్ చేశారు. నిందితుడు ప్రత్యేక సాఫ్ట్‌వేర్ సాయంతో కార్డులలోని వివరాలను అక్రమంగా మారుస్తున్నట్లు గుర్తించారు. అతడి వద్ద నుంచి 60 నకిలీ ఆధార్ కార్డులు, ల్యాప్‌టాప్‌ను పోలీసులు స్వాధీనం చేసుకున్నారు. ఈ అక్రమ దందాపై కేసు నమోదు చేసి దర్యాప్తు చేస్తున్నారు.