హైదరాబాద్‌లో బోర్‌వెల్ తవ్వకాలకు ఇకపై అనుమతి తప్పనిసరి

హైదరాబాద్‌లో భూగర్భ జలాల వినియోగంపై ప్రభుత్వం కఠిన నిబంధనలు తీసుకొచ్చింది. ప్రజా తాగునీటి వనరుల సమీపంలో బోర్‌వెల్ తవ్వాలంటే నవంబర్ 1 నుంచి ముందస్తు అనుమతి తీసుకోవాలని స్పష్టం చేసింది. మండల రెవెన్యూ అధికారి అనుమతి లేకుండా తవ్వకాలు జరిపితే కఠిన చర్యలు ఉంటాయని హెచ్చరించింది. భూగర్భ జలాలను పరిరక్షించే లక్ష్యంతో ప్రభుత్వం ఈ కీలక నిర్ణయం తీసుకుంది.