గాడ్ ఆఫ్ వార్ సినిమాపై క్లారిటీ ఇచ్చిన త్రివిక్రమ్ శ్రీనివాస్

ఎన్టీఆర్ హీరోగా తెరకెక్కనున్న 'గాడ్ ఆఫ్ వార్' సినిమాపై దర్శకుడు త్రివిక్రమ్ శ్రీనివాస్ కీలక అప్‌డేట్ ఇచ్చారు. సుబ్రహ్మణ్యస్వామి జీవిత కథ ఆధారంగా రూపొందుతున్న ఈ మైథలాజికల్ మూవీ స్క్రిప్ట్ పనులు పూర్తయ్యాయని ఆయన తెలిపారు. ప్రస్తుతం ఉన్న ప్రాజెక్టులు ముగిసిన తర్వాత ఈ భారీ చిత్రాన్ని పట్టాలెక్కించనున్నట్లు వెల్లడించారు. ఈ ప్రకటనతో ఎన్టీఆర్ అభిమానుల్లో భారీ అంచనాలు నెలకొన్నాయి.