హైదరాబాద్‌కు అదనపు గోదావరి జలాలు: నవంబర్ 15 నాటికి అందుబాటులోకి

హైదరాబాద్‌లో తాగునీటి ఎద్దడిని నివారించేందుకు జలమండలి కీలక చర్యలు చేపట్టింది. నగరానికి రోజుకు అదనంగా 40 ఎంజీడీ గోదావరి నీటిని సరఫరా చేసేందుకు ఘన్‌పూర్ వద్ద పైప్‌లైన్ పనులు వేగంగా జరుగుతున్నాయి. ఈ పనులను జలమండలి ఎండీ అశోక్ రెడ్డి స్వయంగా పరిశీలించారు. నవంబర్ 15 నాటికి ఈ అదనపు నీటి సరఫరాను అందుబాటులోకి తీసుకురావాలని అధికారులు లక్ష్యంగా పెట్టుకున్నారు.