వైట్‌హౌస్ వద్ద భద్రతా ఉల్లంఘనలు.. తాత్కాలిక లాక్‌డౌన్!

అమెరికా అధ్యక్షుడు డొనాల్డ్ ట్రంప్ వైట్‌హౌస్‌లో ఉన్న సమయంలో అధ్యక్ష భవనం సమీపంలో రెండు భద్రతా ఉల్లంఘనలు చోటుచేసుకున్నాయి. ఓ కారు పాదచారుల ప్రాంతంలోకి దూసుకెళ్లగా, మరో వ్యక్తి బారికేడ్‌ను దాటేందుకు ప్రయత్నించాడు. దీంతో అప్రమత్తమైన అధికారులు వైట్‌హౌస్‌ను తాత్కాలికంగా లాక్‌డౌన్ చేసి ఇద్దరు నిందితులను అరెస్ట్ చేశారు. ఈ ఘటనతో వాషింగ్టన్‌లో కొంతసేపు ఉద్రిక్త వాతావరణం నెలకొంది.