ప్రకాశం జిల్లా పాకల తీరానికి కొట్టుకువచ్చిన మరో బోటు

ప్రకాశం జిల్లా సింగరాయకొండ మండలం పాకల సముద్రతీరానికి గుర్తుతెలియని బోటు కొట్టుకువచ్చింది. ఇటీవల మురసు తుఫానులో జాలర్లు మృతి చెందిన ఘటన మరువకముందే ఈ బోటు తీరానికి చేరడం స్థానిక మత్స్యకారుల్లో ఆందోళన కలిగించింది. పూర్తిగా దెబ్బతిన్న ఈ బోటులో ఎవరూ లేకపోవడంతో అసలేం జరిగిందనే దానిపై తీవ్ర చర్చ జరుగుతోంది. ఈ ఘటనపై అధికారులు విచారణ జరిపి స్పష్టతనివ్వాలని ప్రజలు కోరుతున్నారు.