హైదరాబాద్‌లో మరో వన్‌వే.. లక్డీకాపూల్‌లో ట్రయల్ రన్‌కు రంగం సిద్ధం

హైదరాబాద్‌లోని లక్డీకాపూల్‌ ప్రాంతంలో తీవ్రమైన ట్రాఫిక్ సమస్యలకు చెక్ పెట్టేందుకు నూతన ట్రాఫిక్ విధానాన్ని ప్రవేశపెట్టనున్నారు. వన్‌వే అమలు చేసేందుకు అధికారులు సాధ్యాసాధ్యాలపై కసరత్తు ముమ్మరం చేశారు. మొదట ఈ విధానాన్ని ప్రయోగాత్మకంగా అమలు చేసి, వచ్చిన ఫలితాల ఆధారంగా తుది నిర్ణయం తీసుకోనున్నారు. ఈ మేరకు సీపీ సజ్జనార్‌ ఇతర అధికారులతో కలిసి స్వయంగా ఆ ప్రాంతాన్ని పరిశీలించారు.