ఇంటి నుంచే లెర్నర్‌ లైసెన్స్‌ పరీక్ష నిర్వహణకు తెలంగాణ రవాణా శాఖ సన్నాహాలు

తెలంగాణలో లెర్నర్‌ లైసెన్స్‌ పరీక్ష విధానంలో త్వరలో కీలక మార్పులు రానున్నాయి. రవాణా కార్యాలయానికి వెళ్లకుండానే అభ్యర్థులు ఇంటి నుంచి కంప్యూటర్ లేదా ల్యాప్‌టాప్ ద్వారా పరీక్ష రాసేలా రవాణా శాఖ ఏర్పాట్లు చేస్తోంది. కృత్రిమ మేధస్సు (ఏఐ) ఆధారిత ఫేషియల్‌ రికగ్నిషన్‌ సాంకేతికతతో ఈ పరీక్షలను పర్యవేక్షించనున్నారు. ఈ ప్రయోగాత్మక పరీక్షలు విజయవంతమైతే త్వరలోనే ఈ కొత్త విధానం అమల్లోకి రానుంది.