రాప్తాడు ఘటన: ఆసుపత్రిలో కిందపడిన నిందితుడు హేమంత్

అనంతపురం సర్వజన వైద్యశాలలో చికిత్స పొందుతున్న రాప్తాడు ఘటన నిందితుడు హేమంత్ సోమవారం పడకపై నుంచి కిందపడిపోయాడు. వైద్యులు పరీక్షించగా ఆయనకు బీపీ, పల్స్ పడిపోవడంతో పాటు శ్వాస తీసుకోవడంలో ఇబ్బంది తలెత్తింది. దీంతో అప్రమత్తమైన వైద్యుల బృందం ఆయనకు ఆక్సిజన్ అందిస్తూ ప్రత్యేక పర్యవేక్షణలో చికిత్సనందిస్తోంది. ప్రస్తుతం నిందితుడి ఆరోగ్యం నిలకడగా ఉందని ఆసుపత్రి సూపరింటెండెంట్ తెలిపారు.