దీపావళి పొగతో దగ్గు సమస్యలా? ఈ లక్షణాలు నిర్లక్ష్యం చేయవద్దు

దీపావళి టపాసుల పొగ కారణంగా చాలా మందిలో దగ్గు, గొంతు మంట, శ్వాస తీసుకోవడంలో ఇబ్బంది వంటి సమస్యలు తలెత్తుతాయి. సాధారణంగా ఈ ఆరోగ్య సమస్యలు వారం రోజుల్లో తగ్గిపోవాలి. అయితే దగ్గు తీవ్రత పెరగడం, ఛాతీలో బిగుతు, పిల్లికూతలు లేదా ఆయాసం వంటి లక్షణాలు కనిపిస్తే మాత్రం అస్సలు నిర్లక్ష్యం చేయకూడదని వైద్య నిపుణులు హెచ్చరిస్తున్నారు. ఆస్తమా మరియు సీఓపీడీ బాధితులు ఈ సమయంలో తగిన జాగ్రత్తలు తీసుకోవడం ఎంతో ముఖ్యం.