సమతామూర్తి ప్రాంగణంలో ఘనంగా 'ఈక్వాలిటీ రన్' నిర్వహణ

హైదరాబాద్‌లోని సమతామూర్తి ప్రాంగణంలో కులమతాలకు అతీతంగా సమానత్వాన్ని చాటేందుకు 'ఈక్వాలిటీ రన్' మారథాన్‌ను నిర్వహించారు. ఈ కార్యక్రమంలో త్రిదండి చిన్న జీయర్ స్వామి స్వయంగా పాల్గొని భక్తులను ఉత్సాహపరిచారు. రామానుజాచార్యుల సమానత్వ సందేశాన్ని ప్రపంచానికి తెలియజేయడమే లక్ష్యంగా 216 అడుగుల విగ్రహం వద్ద వివిధ విభాగాల్లో ఈ పరుగును చేపట్టారు. ఈ కార్యక్రమంలో పెద్ద సంఖ్యలో ప్రజలు ఉత్సాహంగా పాల్గొన్నారు.