ఐదు రోజుల వ్యవధిలో అన్నాచెల్లెళ్ల మృతి, అనాథలైన చిన్నారులు

కొమురం భీం ఆసిఫాబాద్ జిల్లాలో తీవ్ర విషాదం చోటుచేసుకుంది. తిర్యాణి మండలానికి చెందిన కొడిమెల ప్రసాద్ హత్యకు గురికాగా, ఆ బాధతో అనారోగ్యపాలైన ఆయన చెల్లెలు మార్కొండ సువర్ణ ఐదు రోజుల వ్యవధిలోనే మృతి చెందారు. అన్నాచెల్లెళ్లు ఇద్దరూ మృతి చెందడంతో ఆ కుటుంబంలో విషాదం అలుముకుంది. తల్లిదండ్రులను కోల్పోయి ఇద్దరు చిన్నారులు అనాథలుగా మారడం స్థానికులను కలచివేసింది.