రాప్తాడు పాఠశాల నిందితుడు హేమంత్‌కు హెచ్‌ఐవీ పరీక్షలు

అనంతపురం జిల్లా రాప్తాడు పాఠశాలలో విద్యార్థినులపై దాడి చేసిన నిందితుడు హేమంత్ ఆరోగ్య పరిస్థితిపై వైద్యులు ప్రత్యేక దృష్టి పెట్టారు. అతడిలో డ్రగ్ విత్‌డ్రాయల్ లక్షణాలు ఉన్నట్లు అనుమానిస్తున్న వైద్యులు, రక్తపరీక్షల్లో సీడీ4 కౌంట్ తక్కువగా రావడంతో హెచ్‌ఐవీ కోణంలోనూ పరిశీలిస్తున్నారు. ప్రస్తుతం నిందితుడి ఆరోగ్యం నిలకడగా ఉందని ఆసుపత్రి సూపరింటెండెంట్ తెలిపారు. ఈ సంఘటన స్థానికంగా తీవ్ర కలకలం రేపింది.