ఖరగ్‌పూర్ రైల్వే స్టేషన్‌లో రూ.1.40 కోట్ల నగదు పట్టివేత

పశ్చిమ బెంగాల్‌లోని ఖరగ్‌పూర్ రైల్వే స్టేషన్‌లో బుధవారం పోలీసులు భారీగా నగదును స్వాధీనం చేసుకున్నారు. తనిఖీలు నిర్వహిస్తుండగా అనుమానాస్పదంగా కనిపించిన ఒక వ్యక్తి వద్ద రూ.1.40 కోట్ల నగదును అధికారులు గుర్తించారు. మూడు బ్యాగుల్లో తరలిస్తున్న ఈ సొమ్మును పోలీసులు సీజ్ చేసి, సదరు వ్యక్తిని అదుపులోకి తీసుకున్నారు. ఈ ఘటనపై రైల్వే పోలీసులు లోతుగా విచారణ జరుపుతున్నారు.