పూరి యాత్రలో విషాదం: మనవరాలిని కాపాడి ప్రాణాలు వదిలిన దంపతులు

చిత్తూరు జిల్లాకు చెందిన శ్రీనివాసులు శెట్టి, దేవి దంపతులు పూరి జగన్నాథుడి దర్శనానికి వెళ్లి బైతరణి నదిలో మునిగిపోయారు. నదిలో కొట్టుకుపోతున్న ఆరేళ్ల మనవరాలిని సురక్షితంగా ఒడ్డుకు చేర్చిన వారు, ప్రవాహంలో గల్లంతై ప్రాణాలు కోల్పోయారు. ఈ హృదయ విదారక ఘటనతో వారి స్వగ్రామం గంగవరంలో తీవ్ర విషాద ఛాయలు అలుముకున్నాయి. ఈ సాహస త్యాగానికి స్థానికులు కన్నీటి నివాళులర్పించారు.