ఇంటర్ ప్రశ్నపత్రాల్లో కీలక మార్పులు: బట్టీ విధానానికి స్వస్తి

ఆంధ్రప్రదేశ్‌లో 2027-28 విద్యా సంవత్సరం నుంచి ఇంటర్మీడియట్ పబ్లిక్ పరీక్షల ప్రశ్నపత్రాల్లో కీలక మార్పులు రానున్నాయి. కేంద్ర ప్రభుత్వ పరఖ్ నిబంధనలకు అనుగుణంగా ఇంటర్ విద్యా మండలి కొత్త విధానాన్ని అమలు చేయనుంది. ఇకపై విద్యార్థులు బట్టీ పట్టి కాకుండా, విషయ పరిజ్ఞానం, విశ్లేషణాత్మక ఆలోచన, సమస్యల పరిష్కార సామర్థ్యాలను పరీక్షించేలా ప్రశ్నలు ఉంటాయి. సృజనాత్మకతకు 10 శాతం ప్రశ్నలు ప్రాధాన్యతనిస్తాయి.