ఏలూరు జిల్లాలో పెద్దపులి సంచారం.. గ్రామస్తుల్లో భయాందోళనలు

ఏలూరు జిల్లాలోని జీలుగుమల్లి గ్రామంలో పెద్దపులి సంచారం స్థానికులను తీవ్ర భయాందోళనకు గురిచేస్తోంది. గ్రామ పరిసరాల్లో పెద్దపులి తిరుగుతున్న దృశ్యాలు ఓ దుకాణానికి చెందిన సీసీ కెమెరాలో రికార్డయ్యాయి. రాత్రి వేళల్లో పులి గ్రామంలోకి వస్తుండటంతో ఎప్పుడు ఏం జరుగుతుందోనని ప్రజలు ఆందోళన చెందుతున్నారు. అధికారులు వెంటనే స్పందించి పులిని బంధించాలని స్థానికులు కోరుతున్నారు.