ఏలూరు జిల్లాలో వినూత్నంగా గ్రామస్థుల రహస్య బ్యాలెట్ పోలింగ్

ఆంధ్రప్రదేశ్ రాష్ట్రంలోని ఏలూరు జిల్లా కొయ్యలగూడెం మండలం దిప్పకాయలపాడు గ్రామస్థులు వినూత్న నిర్ణయం తీసుకున్నారు. సర్పంచ్ అభ్యర్థి ఎంపికలో ఇద్దరి మధ్య పోటీ నెలకొనడంతో, అధికారులు లేకుండానే రహస్య బ్యాలెట్ ద్వారా పోలింగ్ నిర్వహించారు. గ్రామ ప్రజలంతా ప్రజాస్వామ్య పద్ధతిలో స్వచ్ఛందంగా పాల్గొని బలమైన అభ్యర్థిని ఎన్నుకున్నారు. ఈ వినూత్న ప్రయోగం ఇప్పుడు స్థానికంగా ఎంతో చర్చనీయాంశంగా మారింది.