హైదరాబాద్‌లో స్వీట్‌ షాపులపై దాడులు.. భారీగా కాలం చెల్లిన సరుకు సీజ్‌

దీపావళి వేళ హైదరాబాద్‌లో టీజీ సేఫ్ అధికారులు స్వీట్ షాపులపై ఆకస్మిక తనిఖీలు నిర్వహించారు. 16 కేంద్రాల్లో గడువు ముగిసిన, లేబుల్స్ లేని సుమారు 3,546 కిలోల ఆహార పదార్థాలను అధికారులు స్వాధీనం చేసుకున్నారు. నిబంధనలు ఉల్లంఘించిన ఐదు సంస్థల ఫుడ్ లైసెన్సులను సస్పెండ్ చేయడంతో పాటు మరో ఏడు సంస్థలకు నోటీసులు జారీ చేశారు. ప్రజల ఆరోగ్య భద్రతను దృష్టిలో ఉంచుకుని అధికారులు ఈ దాడులు చేపట్టారు.