హైదరాబాద్‌లో ముచ్చింతల్ విష్ణు సహస్రనామ పారాయణానికి గిన్నిస్ రికార్డ్

హైదరాబాద్‌లోని ముచ్చింతల్‌ వేదికగా నిర్వహించిన విష్ణు సహస్రనామ పారాయణం గిన్నిస్ వరల్డ్ రికార్డులో స్థానం సంపాదించుకుంది. చిన్నజీయర్ స్వామి పర్యవేక్షణలో జరిగిన ఈ ఆధ్యాత్మిక కార్యక్రమంలో సుమారు 10 వేల మంది భక్తులు పాల్గొన్నారు. భారీ సంఖ్యలో భక్తులు హాజరై ఈ పారాయణం విజయవంతం చేయడం విశేషం. ఈ అరుదైన ఘనత సాధించడం ద్వారా ఆధ్యాత్మిక రంగంలో నగరానికి ప్రత్యేక గుర్తింపు లభించింది.