ఎన్నికల విధుల్లో విషాదం: పోలింగ్ కేంద్రంలో ఉపాధ్యాయురాలు మృతి

అనంతపురం జిల్లా కూడేరు మండలం కడదరకుంట పోలింగ్ కేంద్రంలో ఎన్నికల విధుల్లో ఉన్న ఉపాధ్యాయురాలు హరిత గౌడ్ అకస్మాత్తుగా కుప్పకూలి మృతి చెందారు. 56 ఏళ్ల హరిత గౌడ్ విధులు నిర్వహిస్తుండగా అస్వస్థతకు గురై ప్రాణాలు కోల్పోయారు. ఈ ఘటన ఎన్నికల సిబ్బందిలో తీవ్ర విషాదాన్ని నింపింది. ఆమె మృతి పట్ల తోటి ఉపాధ్యాయులు సంతాపం వ్యక్తం చేశారు.