సైబర్‌ నేరగాళ్ల వలలో పల్నాడు రైతు, రూ.16.82 లక్షలు మాయం

పల్నాడు జిల్లా పిడుగురాళ్ల మండలానికి చెందిన రైతు బోనం కోటేశ్వరరావు సైబర్‌ నేరగాళ్ల చేతిలో భారీగా నష్టపోయారు. పంటల అమ్మకం ద్వారా వచ్చిన డబ్బులను రెండు బ్యాంకు ఖాతాల్లో దాచుకోగా, వాట్సాప్‌లో వచ్చిన ఒక లింక్‌ ద్వారా అతని ఫోన్‌ హ్యాక్‌ అయింది. నిందితులు బ్యాంకు సందేశాలు రాకుండా నిరోధించి విడతలవారీగా రూ.16.82 లక్షలను కాజేశారు. బాధితుని ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు.