ఏపీ నుంచి తెలంగాణలోకి పెద్దపులి ప్రవేశం, ప్రజలు అప్రమత్తం

ఆంధ్రప్రదేశ్ నుంచి తెలంగాణ అడవుల్లోకి ఒక పెద్దపులి ప్రవేశించింది. ఏలూరు జిల్లా వేలేరుపాడు మండలం నుంచి సంచరిస్తూ, తాజాగా తెలంగాణలోని అశ్వారావుపేట అడవుల్లోకి అడుగుపెట్టింది. రేడియో టెలీ ట్రాకర్ సిగ్నల్స్ ద్వారా అటవీ అధికారులు పులి కదలికలను గుర్తించారు. ఈ నేపథ్యంలో సమీప గిరిజన గ్రామాల ప్రజలు అప్రమత్తంగా ఉండాలని, ఎవరూ అడవుల్లోకి వెళ్లవద్దని అధికారులు హెచ్చరించారు.