బాసర జ్ఞాన సరస్వతీ ఆలయ గర్భాలయ పునర్నిర్మాణానికి శ్రీకారం

బాసర జ్ఞాన సరస్వతీ అమ్మవారి ఆలయ గర్భాలయాన్ని కృష్ణశిలలతో పునర్నిర్మించే పనులను అధికారులు ప్రారంభించారు. సుమారు 30 కోట్ల రూపాయల విరాళాలతో ఆరు నెలల్లో ఈ నిర్మాణాన్ని పూర్తి చేయాలని లక్ష్యంగా పెట్టుకున్నారు. వేదమంత్రాల నడుమ ప్రథమ శిలా స్థాపన కార్యక్రమం ఘనంగా జరిగింది. ఈ పునర్నిర్మాణం ద్వారా ఆలయానికి సరికొత్త శిల్పకళా శోభ చేకూరనుంది.