బాన్సువాడలో నాటు బాంబుల పేలుడు: నలుగురు చిన్నారులతో సహా ఆరుగురికి తీవ్రగాయాలు

కామారెడ్డి జిల్లా బాన్సువాడలోని వడ్డెర బస్తీలో నాటు బాంబులు పేలి ఆరుగురు తీవ్రంగా గాయపడ్డారు. బైక్‌పై బాంబులను తరలిస్తుండగా ప్రమాదవశాత్తూ ఈ పేలుడు సంభవించినట్లు సమాచారం. గాయపడిన వారిలో నలుగురు చిన్నారులు ఉండటం స్థానికంగా తీవ్ర కలకలం రేపింది. క్షతగాత్రులను చికిత్స నిమిత్తం ఆసుపత్రికి తరలించి పోలీసులు దర్యాప్తు చేస్తున్నారు.